News RSS

ຢາກຊິຮູ້ວ່າແຖວນີ້ມີໃຜມັກກິນປາແຊວມອນບໍ່ ເພາະຕັ້ງແຕ່ປາຊີ້ນສີສົ້ມລາຍງາມຊະນິດນີ້ເປັນທີ່ຮູ້ຈັກໃນຫຼາຍໆປະເທດ ຫຼາຍໆຄົນກໍ່ຕິດໃຈໃນລົດຊາດ ຫວານ ແຊບ ກິນງ່າຍ ແຕ່ທ່ານຮູ້ ຫຼື ບໍ່ວ່າປາແຊວມອນບໍ່ໄດ້ມີແຕ່ຄວາມແຊບ ແຕ່ຍັງເຕັມໄປດ້ວຍປະໂຫຍດຕໍ່ສຸຂະພາບ ເໝາະສຳລັບທັງເດັກນ້ອຍ ແລະ ຜູ້ໃຫຍ່ ເຊິ່ງຄຸນປະໂຫຍດຂອງປາແຊວມອນມີຄື: ຊ່ວຍຮັກສາໂລກຂໍ້ກະດູກອັກເສບ ໃຜທີ່ກຳລັງມີບັນຫາເລື່ອງຂໍ້ກະດູກອັກເສບ ຫຼື ກະດູກບໍ່ຄ່ອຍແຂງແຮງຕ້ອງມາກິນປາແຊວມອນເລີຍ ເພາະປາແຊວມອນທີສ່ວນຊ່ວຍໃນການຮັກສາໂລກຂໍ້ກະດູກອັກເສບ ແລະ ການອັກເສບຂອງຂໍ້ຕ່າງໆໄດ້ດີ ເພາະມີທາດໄບໂອແອັກທີບແປບໄທ້ເຊິ່ງມີກົດໂປຣຕີນ ຢ່າງທາດແຄນຊິໂທນິນທີ່ມິສ່ວນຊ່ວຍໃນການເພີ່ມ ແລະ ສ້າງສົມດຸນຂອງການສັງເຄາະທາດຄໍລາເຈນ ໃນກະດູກອ່ອນຂອງພວກເຮົາ ນອກຈາກນີ້ໂປຣຕີນທີ່ພົບໃນປາແຊວມອນຍັງຊ່ວຍເພີ່ມຄວາມໜາແໜ້ນຂອງມວນກະດູກ ແລະ ຄວາມແຂງແຮງຂອງກະດູກ. ລົດຄວາມສ່ຽງທີ່ຈະເປັນໂລກຊຶມເສົ້າ ຮູ້ ຫຼື ບໍ່ວ່າສະໝອງຂອງຄົນເຮົາມີໄຂມັນເປັນສ່ວນປະກອບສຳຄັນເຖິງ 60% ເຊິ່ງໂດຍສ່ວນຫຼາຍຈະເປັນໂອເມກ້າ 3 ທີ່ຊ່ວຍເສີມການເຮັດວຽກຂອງສະໝອງ ແລະ ລະບົບປະສາດ ນອກຈາກນີ້ການຮັບປະທານປາແຊວມອນເປັນປະຈຳ ຍັງມີສ່ວນຊ່ວຍຫຼູດຄວາມສ່ຽງ ແລະ ເກີດອາການຊຶມເສົ້າ ພາວະຄວາມຄຽດໃນໄວໜຸ່ມສາວ ແລະ ພາວະສະໝອງເສື່ອມໃນຜູ້ສູງອາຍຸໄດ້ ໃຜທີ່ກຳລັງປະສົບກັບບັນຫານີ້ເຮົາແນະນຳໃຫ້ກິນປາແຊວມອນເປັນປະຈຳເລີຍ. ເສີມລະບົບການເຮັດວຽກຂອງຫຼອດເລືອ ແລະ ຫົວໃຈ ຢ່າງທີ່ບອກໄປແລ້ວກ່ອນໜ້ານີ້ວ່າປາແຊວມອນອຸດົມໄປດ້ວຍໂອເມກ້າ 3, EPA ແລະ DHA ເຊິ່ງມີປະໂຫຍດຕໍ່ຫຼອດເລືອດ ແລະ ຫົວໃຈຫຼາຍເຊັ່ນ: ຊ່ວຍຫຼູດອາການອັກເສບ ຖ້າຮັບປະທານປາແຊວມອນ 2 – 3 ຄັ້ງຕໍ່ອາທິດ ກໍ່ຈະຊ່ວຍປ້ອງກັນການເກີດໂລກຕ່າງໆ ເຊັ່ນ: ອາການຫົວໃຈວາຍ ສະໂຕຣກ ຫົວໃຈເຕັ້ນຜິດຈັງຫວະ  ຄວາມດັນໂລຫິດສູງ  ແລະ ໄຕຣກລີຊໍໄຣໃນເລືອດສູງໄດ້. ຊ່ວຍພັດທະນາສະໝອງເດັກນ້ອຍໃນທ້ອງຂອງແມ່ຍິງທີ່ກຳລັງຖືພາ ແມ່ຍິງຄົນໃດທີ່ກຳລັງຖືພາ ຫຼື ຢູ່ໃນຊ່ວງໃຫ້ນົມລູກ ສາມາດກິນປາແຊວມອນເພື່ອຊ່ວຍສົ່ງເສີມພັດທະນາການທາງສະໝອງ ແລະ ການຮຽນຮູ້ຂອງລູກນ້ອຍໄດ້ ເພາະປາແຊວມອນນັ້ນອຸດົມໄປດ້ວຍ DHA (Decosahexaenoic  acid) ເຊິ່ງເປັນ   ກົດໄຂມັນຈຳເປັນທີ່ເປັນພື້ນຖານຂອງເຊວສະໝອງ ແລະ ຈໍປະສາດຕາ ຍິ່ງກວ່ານັ້ນການໃຫ້ເດັກນ້ອຍໃນໄວກ່ອນເຂົ້າຮຽນໄດ້ຮັບປະທານປາແຊວມອນຫຼາຍໆ ຍັງຊ່ວຍປ້ອງກັນໂລກສະມາທິສັ້ນ(ADHA) ແລະ ຍັງຊ່ວຍສົ່ງເສີມຄວາມສາມາດໃນການຮຽນຮູ້ຂອງເດັກນ້ອຍ ອີກດ້ວຍ. ມີວິຕາມິນດີສູງ(High Vitamin D) ຮູ້ບໍ່ວ່າການໄດ້ຮັບວິຕາມິນ D ຢ່າງພຽງພໍນັ້ນຈະຊ່ວຍໃຫ້ສຸຂະພາບຂອງເຮົາແຂງແຮງ ຫາກຮ່າງກາຍຂາດວິຕາມິນ D...

Read more

ໝາກປີ( Banana Blossom ) ຫຼື (Banana Flower ) ຖືວ່າເປັນກະແສອາຫານເພື່ອສູຂະພາບທີ່ມາແຮງໃນຕ່າງປະເທດໂດຍສະເພາະໃນກຸ່ມຄົນທີ່ກິນມັງສະວີຣັດ ເພາະວ່າ ໝາກປີມີເສັ້ນໄຍໜຽວແໜ້ນ ໃຫ້ລົດຊາດຄ້າຍຄືກັບເນື້ອສັດ ແລະ ທີ່ສຳຄັນ ໝາກປີ ມີແຄລໍຣີ່ຕ່ຳຫຼາຍ ຄົນທີ່ກຳລັງລົດນ້ຳໜັກກໍ່ສົນໃຈເທຣນກິນໝາກປີຄືກັນ ດັ່ງນັ້ນມັນຈື່ງບໍ່ແປກ ທີ່ລາຄາຂອງໝາກປີໃນຕ່າງປະເທດ ຈະສູງເຖິງກິໂລລະ 1000฿ ! ວ້າວໆ....ລາຄາສູງຂະໜາດນີ້ເຮົາຕ້ອງມາອ່ານຄຸນປະໂຫຍດຂອງໝາກປີແລ້ວລະ ວ່າໝາກປີມີຄຸນປະໂຫຍດດີແນວໃດ ?           ຄຸນຄ່າທາງໂພຊະນາການຂອງໝາກປີ( Banana Blossom ) :       ຂໍມູນຈາກກົມໂພຊະນາການ ກົມອະນາໄມ ກະຊວງສາທາລະນະສຸກ ສະແດງຄຸນຄ່າທາງໂພຊະນາການຂອງໝາກປີໃນປະລິມານ 100 ກຣາມ ດັ່ງນີ້:           ພະລັງງານ 28 ກິໂລແຄລໍຣີ່, ນ້ຳ 9.23 ກຣາມ, ໂປຣຕີນ 1.4 ກຣາມ, ໄຂມັນ 0.2 ກຣາມ, ແຄນຊ່ຽມ 40 ມິນລີກຣາມ, ທາດເຫຼັກ 0.7 ມິນລິກຣາມ, ໄທອະມິນ 0.01 ມິນລີກຣາມ, ວິຕາມິນເອ 26 ໄມໂຄຣກຣາມ, ໄຮໂບຟຣາວິນ 0.02 ມິນລີກຣາມ, ໄນອະຊິນ 0.6 ມິນລີກຣາມ ແລະ ວິຕາມິນຊີ 25 ມິນລີກຣາມ.        ປະໂຫຍດຂອງໝາກປີ( Banana Blossom )ມີຄື: ບຳລຸງເລືອດ ໝາກປີ ( Banana Blossom ) ມີທາດເຫຼັກສູງ ຊ່ວຍບຳລຸງເລືອດ ປ້ອງກັນເລືອດຈາງ ໂດຍສະເພາະໃນແມ່ຍິງຖືພາ ຫຼື ແມ່ຍິງທີ່ເກິດລູກແລ້ວ ເພີ່ມນ້ຳນົມ ດ້ວຍສັບພະຄຸນຂອງໝາກປີທີ່ຊ່ວຍບຳລຸງເລືອດ ເຮັດໃຫ້ໝາກປີມີປະໂຫຍດໃນການຊ່ວຍເພີ່ມນ້ຳນົມຂອງແມ່ຍິງຫຼັງເກີດລູກໂດຍໃຫ້ກິນເມນູໝາກປີຫຼັງຈາກເກີດລູກໃໝ່ໆ ຈະຊ່ວຍເພີ່ມນ້ຳນົມໃຫ້ຫຼາຍຂຶ້ນ. ຫຼຸດລະດັບນ້ຳຕານໃນເລືອດ ການສຶກສາໃນວາລະສານ Phytoterapy Research ໃນປີ...

Read more

" ກະທຽມ "ເປັນສະໝຸນໄພທີ່ຖືກນຳມາໃຊ້ເປັນທັງອາຫານ ແລະ ຢາກັນມາດົນນັບເປັນພັນປີ ແນ່ນອນວ່າເມື່ອແຕ່ລະຄົນເກີດມາ ກໍ່ຈະໄດ້ຮູ້ວ່າກະທຽມຖືກນຳມາໃຊ້ເປັນສ່ວນປະກອບອາຫານກັນແລ້ວ ໃນປະຈຸບັນນີ້ ກະທຽມ ຖືກນຳມາໃຊ້ໃນການປ້ອງກັນພະຍາດຫລາຍຢ່າງນຳກັນ ຊ່ວຍຫລຸດລະດັບໄຂມັນ Cholesterol ລຸດຄວາມດັນເລືອດສູງ ແລະ ສົ່ງເສີມໃຫ້ລະບົບພຸມຄຸ້ມກັນໃຫ້ດີຂຶ້ນ. ກະທຽມ ມີສານທີ່ມີສານຕ້ານອນຸມູນອິດສະຫລະ (Antioxidants) ຊຶ່ງອານຸມູນອິດສະຫລະ (free radicals) ມີບົດບາດສຳຄັນຕໍ່ການດໍາລົງຊີວິດຂອງຄົນຕະຫລອດລວມໄປເຖິງການເຮັດໃຫ້ເກີດໂລກໄພໄຂ້ເຈັບໄດ້ຫລວງຫລາຍ ລວມເຖິງພະຍາດຫົວໃຈ ແລະ ມະເຮັງ. ກະທຽມນີ້ກໍ່ສາມາດທໍາລາຍອານຸມູນອິດສະຫລະ ເຊິ່ງເປັນໂຕທີ່ສາມາດທຳລາຍເຍື່ອຫຸ້ມເຊລ (cell membranes) ແລະ DNA ໄດ້ດີ. ພະຍາດຕ່າງ ໆ ທີ່ກະທຽມສາມາດປ້ອງກັນໄດ້ມີ ພະຍາດຫົວໃຈ (Heart disease): ມີຫລັກຖານບາງຢ່າງສະໜັບສະໜູນວ່າ ກະທຽມ ອາດປ້ອງກັນບໍ່ໃຫ້ເກີດພະຍາດຫົວໃຈໄດ້ ໂດຍອາດຫລຸດການເກີດເສັ້ນເລືອດແຂງ (artherosclerosis) ແລະ ສາມາດຫລຸດລະດັບຄວາມດັນລະໄດ້ໜ້ອຍໜຶ່ງ (ລະຫວ່າງ 7 %ເຖິງ 8%) ນອກຈາກນັ້ນ ກະທຽມຍັງເປັນສານຕ້ານການຈັບໂຕເປັນກ້ອນຂອງເລືອດ ດ້ວຍການເຮັດໃຫ້ເກັດເລືອດບາງລົງ ເຊິ່ງອາດປ້ອງກັນບໍ່ເກີດພາວະຫົວໃຈຂາດເລືອດ (heart attack) ຫລື ສະຫມອງຂາດເລືອດ (stroke). ພະຍາດຫວັດ (Common cold): ຈາກຜົນການສຶກສາໃນໄລຍະທໍາອິດພົບວ່າ: ກະທຽມ ສາມາດຊ່ວຍປ້ອງກັນພະຍາດຫວັດ (common cold) ໄດ້ມີການສຶກສາປຽບທຽບການໃຊ້ກະທຽມ ໃນລະຍະທີ່ມີພະຍາດຫວັດລະບາດ (common cold) ຜົນປາກົດວ່າ ຄົົນທີ່ຮັບປະທານກະທຽມ ຈະເປັນພະຍາດຫວັດໄດ້ນ້ອຍກວ່າຄົນ ທີ່ບໍ່ຮັບປະທານກະທຽມເລີຍ ນອກຈາກນັ້ນ ໃນລະຫວ່າງເປັນຫວັດ ກະທຽມສາມາດເຮັດໃຫ້ອາການຂອງຫວັດເຊົາໄວນໍາອີກ. ມະເຮັງ (Cancer): ກະທຽມອາດເສີມໃຫ້ລະບົບພູມຕ້ານທານໃຫ້ແຂງແຮງຂຶ້ນ, ສາມາດຊ່ວຍຮ່າງກາຍໃຫ້ຕໍ່ສູ້ກັບພະຍາດມະເຮັງໄດ້ ໂດຍຜົນຈາກຫ້ອງທົດລອງ ເບິ່ງຄືວ່າ: ກະທຽມ ມີລິດໃນການຕໍ່ຕ້ານມະເຮັງຜົນຈາກການສຶກສາໃນກຸ່ມຄົນເປັນໄລຍະເວລາດົນພົບວ່າ: ກຸ່ມຄົົນທີ່ກິນກະທຽມສົດ ຫລື ກະທຽມ ທີ່ປຸງໃນອາຫານ ເຮັດໃຫ້ມີແນວໂນ້ມທີ່ຈະບໍ່ເກີດເປັນມະເຮັງ ໂດຍສະເພາະ ມະເຮັງຂອງລຳໄສ້ໃຫຍ່ (colon) ແລະ ມະເຮັງກະເພາະ (CA stomach). ຜົນຈາກການສຶກສາ (ຈຳນວນ 7ຢ່າງ)...

Read more

    ທຸກຄົນຮູ້ຫຼືບໍ່ວ່າ ໂຢເກິດແມ່ນຫຍັງ ກຳເນີດມາຈາກໄສ ອ່າ!.. ມື້ນີ້ເຮົາມີຄຳຕອບ ແລະສຳລັບໂຢເກິດຂ້ອຍເອີ້ນມັນວ່າ ຊຸບເປີໂຢເກິດ ເພາະທີ່ເອີ້ນຊຸບເປີໂຢເກິດກໍຍ້ອນວ່າ ໂຢເກິດນັ້ນເປັນອາຫານຍອດນິຍົມທີ່ຊາວໂລກຮູ້ຈັກ ທັງນີ້ເພາະໂຢເກິດມີປະໂຫຍດຕໍ່ຮ່າງກາຍ ມີລົດຊາດແຊບ ກິນໄດ້ທຸກເພດທຸກໄວ ເອີ້ນໄດ້ວ່າທັງແຊບ ແລະມີປະໂຫຍດ ແຕ່ມີຫຼາຍຄົນສົງໄສວ່າ ໂຢເກິດນັ້ນແມ່ນຫຍັງ ເຮັດມາຈາກຫຍັງ ມີຕົ້ນກຳເນີດມາໄສ ປະໂຫຍດຂອງສິ່ງນີ້ດີແທ້ບໍ່ ແລ້ວມີຫຼາຍພຽງໃດ ມື້ນີ້ເຮົາຈະມາບອກໃຫ້ຮູ້ກັນເລີຍ. ແຕ່ກ່ອນທີ່ຈະພາທຸກຄົນໄປຮູ້ຈັກກັບສິ່ງຕ່າງໆຂອງໂຢເກິດນັ້ນ ເຮົາມາຮູ້ຈັກຄວາມໝາຍ ແລະຕົ້ນກຳເນີດກັນກ່ອນວ່າເປັນແບບໃດ. ຄວາມໝາຍຂອງຄຳວ່າໂຢເກິດ.             ໂຢເກິດ ແມ່ນຜະລິດຕະພັນນົມ ຊຶ່ງຜ່ານຂະບວນການໝັກ ເຮັດໃຫ້ມີລົດຊາດສົ້ມ ແລະມີລັກສະນະກຶ່ງແຂັງ ກຶ່ງແຫຼວ ເຊິ່ງມີຕົ້ນກຳເນີດແຖວພູເຂົາຄໍເຄຊັສ ຂອງຣັດເຊຍ ໃນໂຢເກິດຈະປະກອບດ້ວຍແບັກທີເຣຍຫຼັກໆ 2 ຊະນິດດ້ວຍກັນຄື: Streptococcus thermophiles ແລະ Lactobacillus bulgaricus ຊຶ່ງແບັດທີເຣຍເຫຼົ່ານີ້ ຈະເຮັດປະຕິກິລິຍາປ່ຽນນົມໃຫ້ເປັນໂຢເກິດ ນອກຈາກນີ້ໃນປັດຈຸບັນຍັງມີການເຕີມແບັກທີເຣຍ Bifido ແລະ Lactonacillus casei ໃນໂຢເກິດເພື່ອເພີ່ມຄຸນຄ່າທາງອາຫານອີກດ້ວຍ ຄຸນຄ່າທາງອາຫານຂອງໂຢເກິດນັ້ນຈະຫຼາຍຫຼືໜ້ອຍ ຂຶ້ນຢູ່ກັບປະລິມານແບັກທີ່ເຣຍ ທີ່ຍັງມີຊີວິດໃນໂຢເກິດ ໃນຂະນະທີ່ຮັບປະທານ ດັງນັ້ນ, ຂະບວນການຜະລິດ ການບັນຈຸ ການເກັບ ຕະຫຼອດຈົນການຂົນສົ່ງລ້ວນແລ້ວແຕ່ມີຜົນຕໍ່ຄຸນນະພາບຂອງໂຢເກິດ ເຖິງວ່າຈະບໍ່ມີມາດຕະຖານທີ່ແນ່ນອນໃນການກຳໜົດຄຸນນະພາບຂອງໂຢເກິດ ເຖິງແມ່ນຈະບໍ່ມີມາດຕະຖານທີ່ແນ່ນອນໃນການກຳໜົດຄຸນນະພາບຂອງໂຢເກິດ ແຕ່ໂຢເກິດທີ່ດີຄວນມີແບັກທີເຣຍທີ່ຍັງມີຊີວິດ 100 ເຖິງ 1000 ລ້ານໂຕຕໍ່ປະລິມານໂຢເກິດ 1 ມິນລີກຣາມ. ປະຫວັດຄວາມເປັນມາຂອງໂຢເກິດ ໂຢເກິດເປັນຜະລິດຕະພັນນົມໝັກຊະນິດໜຶ່ງ ໄດ້ຮັບຄວາມນິຍົມຢ່າງຫຼວງຫຼາຍໃນກຸ່ມບໍລິໂພກທົ່ວໂລກ ເຮັດໃຫ້ມີຊື່ເອີ້ນ ກ່າວຂານແຕກຕ່າງກັນໄປ ຂຶ້ນຢູ່ກັບແຫຼ່ງທີ່ໃຊ້ເປັນສະຖານທີ່ຜະລິດ ຈາກການສຶກສາຫຼັກຖານທາງປະຫວັດສາດ ຈຶ່ງເຮັດໃຫ້ພໍສັນນິຖານໄດ້ວ່າ ຖິ່ນກຳເນີດຂອງໂຢເກິດ ໜ້າຈະຢູ່ໃນປະເທດຕາເວັນອອກກາງ ແລ້ວຈຶ່ງຂ້າມມາທາງເໜືອຈົນເຖິງສາທາລະນະລັດມົງໂກເລຍ ເຊິ່ງຕົ້ນກຳເນີດຂອງໂຢເກິດນັ້ນ ຍັງບໍ່ທັນຮູ້ຢ່າງຊັດເຈນ ແຕ່ຄາດວ່າມາຈາກທະວີບອາຊີ ໂດຍຊາວເຕີກບູຮານ ເຖິງຢ່າງໃດກໍຕາມ ມີຂໍ້ແຍ້ງວ່າໜ້າຈະມາຈາກແຖບບອລຂ່ານ ຊຶ່ງເປັນທີ່ຢູ່ຂອງຊາວເພຣາ ນິຍົມຜະລິດນົມສົ້ມ ເຊິ່ງຕໍ່ມາໄດ້ກາຍເປັນໂຢເກິດ ຊາວສະລາບໄດ້ນຳວິທີມາປັບປຸງ ຈົນເຮັດໃຫ້ໂຢເກິດກາຍເປັນອາຫານຂອງຊາດສະລາບ ໄປໃນທີ່ສຸດ ໂດຍເກິດ ໃນຍຸກເລີ່ມຕົ້ນຕຽມຂຶ້ນໃນປະເທດບັລແກເຣຍ ໂດຍໃຊ້ນົມແກະຫຼື ນົມໂຄຕົ້ມຈົນມີຂອງແຂັງ ໃນນົມສູງຂຶ້ນ ບົ່ມໄວ້ທີ່ປະມານ 40...

Read more

ໜຸ່ມໆຫຼາຍໆຄົນຄົງຮູ້ກັນດີຢູ່ແລ້ວວ່າໂປຣຕີນເປັນສານອາຫານທີ່ຈຳເປັນຕໍ່ຮ່າງກາຍໃນການສ້າງ ແລະຟື້ນຟູກ້າມເນື້ອ ແຕ່ອາດຈະຍັງບໍ່ຮູ້ວ່າມີໂປຣຕີນຕ່າງໆ ມາຈາກອາຫານປະເພດໃດແດ່ ແລະໂປຣຕີນແຕ່ລະຊະນິດໃຫ້ຜົນຕໍ່ຮ່າງກາຍຈັ່ງໃດ ໂດຍມື້ນີ້ເຮົາມີຂໍ້ມູນດີໆ ມີປະໂຫຍດກ່ຽວກັບໂປຣຕີນ 11 ຊະນິດ ຈາກເວັບໄຊ mensfitness ມາຝາກກັນ. ເວໂປຣຕີນ Whey Protein. ເວໂປຣຕີນຄື 1 ໃນ 2 ຂອງໂປຣຕີນທີ່ເຫັນໄດ້ຢູ່ໃນນົມ ອີກຊະນິດໜຶ່ງຄື ຄາເຊອິນ ໂປຣຕີນມີປະລິມານ 20% ທີ່ເຫັນຢູ່ໃນນົມ ເຖິງວ່າຈະມີຢູ່ໜ້ອຍ ແຕ່ປະໂຫຍດຂອງມັນມີຫຼາຍ ເພາະຮ່າງເມື່ອຮັບເວໂປຣຕີນເຂົ້າໄປ ຈະຖືກຍ່ອຍສະຫຼາຍງ່າຍ ແລະຊຶມຊັບເຂົ້າສູ່ກະແສເລືອດ ໄດ້ຢ່າງໄວວາ ຊຶ່ງຈຳເປັນຕໍ່ຮ່າງກາຍຫຼາຍໃນການສ້ອມແຊມ ແລະເສີມສ້າງກ້າມເນື້ອ ພາຍໃນຫຼັງຈາກການອອກກຳລັງກາຍ ເພາະໃນເວໂປຣຕີີນອຸດົມໄປດ້ວຍກລູຕາມິນ ຊຶ່ງເປັນກົດອະມິໂນ ທີ່ພົບຫຼາຍທີ່ສຸດໃນກ້າມເນື້ອທີ່ຈະຊ່ວຍໃຫ້ປ້ອງກັນກ້າມເນື້ອບໍ່ໃຫ້ເກີດອັກເສບລະຫວ່າງອອກກຳລັງກາຍ ທັງນີ້ ເວໂປຣຕີນສາມາດພົບໄດ້ໃນຣີຄອດຕ້າຊີດອີກດ້ວຍ. ຄາເຊອິນ ໂປຣຕີນ ຄາເຊອິນ ໂປຣຕີນ ຄືໂປຣຕີນຊະນິດໜຶ່ງທີ່ພົບເຫັນໃນນົມເຖິງ 80 % ເຖິງວ່າຈະພົບໄດ້ຫຼາຍກວ່າ ເວໂປຣຕີນ ແຕ່ຄຸນສົມບັດຕ່າງກັນ ເພາະຄາເຊອິນ ໂປຣຕີນ ຍ່ອຍຊ້າກວ່າຫຼາຍເທົ່າ ແຕ່ນັ້ນກໍ່ເປັນປະໂຫຍດຕໍ່ຮ່າງກາຍເຊັ່ນກັນ ເພາະມັນຈະຄ່ອຍໆ ເພີ່ມຄວາມສົມດຸນລະຫວ່າງການຟື້ນຟູ ແລະສ້າງກ້າມເນື້ອ ນອກຈາກນີ້ແລ້ວ ຍັງມີການວິໄຈອອກມາວ່າການບໍລິໂພກຄາເຊອິນ ໂປຣຕີນ ກ່ອນຈະເຫັນຜົນລັບດີທີ່ສຸດ. ໂປຣຕີນຈາກຊີ້ນໄກ່. ຊີ້ນໄກ່ທີ່ເຮົາກິນຢູ່ທຸກມື້ນັ້ນ ເປັນແຫຼ່ງກຳເນີດຊັ້ນດີ ຂອງກົດອາມີໂນທີ່ຈຳເປັນຕ່າງໆ ໃນຮ່າງກາຍ ໂດຍການກິນເອິກໄກ່ ໜຶ່ງຕ່ອນຈະໄດ້ຮັບໂປຣຕີນ 54 ກຣາມ ແລະກົດອະມີໂນລິວຊິນ 4 ກຣາມ ກົດອະມີໂນລິິວຊິນຈະເຮັດໜ້າທີ່ຢັບຢັ້ງການສະຫຼາຍຕົວຂອງກ້າມເນື້ອ ເລັ່ງການຍ່ອຍອາຫານໃຫ້ໄວຂຶ້ນ ແລະເພີ່ມພະລັງງານໃນການອອກກຳລັງກາຍ ນອກຈາກເອິກໄກ່ແລ້ວ ສ່ວນຕົ້ນຂາຂອງໄກ່ກໍໃຫ້ໂປຣຕີນຄ້າຍໆກັນ ແຕ່ຈະໄດ້ລົດຊາດທີ່ບໍ່ຄືກັນ ເນື່ອງຈາກລະດັບຂອງໄຂມັນໃນຊີ້ນໄກ່ແຕ່ລະສ່ວນມີບໍ່ເທົ່າກັນ. ໂປຣຕີນຖົ່ວ. ໂປຣຕີນຖົ່ວເປັນໂປຣຕີນອີກຢ່າງໜຶ່ງທີ່ຍ່ອຍໄດ້ງ່າຍ ໂດຍພາຍໃນມີສານເສີມສ້າງກ້າມເນື້ອລະດັບສູງ ທີ່ຈຳເປັນເຊັ່ນ ກົດມະມີໂນ ກລູຕາມິນ ແລະກົດອະມີໂນ BCAA (Branched-Chain Amino Acids) ເປັນຕົ້ນ ຢ່າງໃດກໍຕາໂປຣຊະນິດນີ້ ບໍ່ມີສານທີ່ຄອຍຢັບຢັ້ງການດູດຊຶມວິຕາມິນ ແລະແຮ່ທາດໃນລະຫວ່າງການຍ່ອຍອາຫານ ຊຶ່ງໃນໂປຣຕີນຖົ່ວຈະພົບກົດອະມີໂນອາຈີນິນ ເປັນຈຳນວນຫຼາຍ ຊຶ່ງເປັນກົດອະມິໂນ ຈຳເປັນຕໍ່ຮ່າງກາຍໃນການສ້າງກ້າມເນື້ອອີກດ້ວຍ ໂປຣຕີນຖົ່ວເຫຼືອງ ໂປຣຕີນປະເພດນີ້...

Read more

Back to the top
en English
X