News RSS

ປະຈຸບັນນີ້ໄປທາງໃດກໍ່ເຫັນຫຼາຍໆຄົນຈິງຈັງກັບການເບິ່ງແຍງສຸຂະພາບ ໂດຍສະເພາະເລື່ອງຂອງການລົດນ້ຳໜັກ ທີ່ມາຈາກພາວະນ້ຳໜັກເກີນ ອັນເປັນບໍ່ເກີດຂອງສະລະພັດໂລກໄດ້ເຊັ່ນ: ໂລກຫົວໃຈ, ໂລກຫຼອດເລືອດສະໝອງ, ໂລກເບົາຫວານ ແລະ ໂລກຄວາມດັນໂລຫິດສູງ ເປັນຕົ້ນ ທັງນີ້ 1 ໃນເລື່ອງສຳຄັນ ແລະກຳລັງເປັນປັນຫາສຸຂະພາບຂອງຄົນ ຮ່າງກາຍ ເຊິ່ງຄົນປົກກະຕິທົ່ວໄປ ຄວນໄດ້ນ້ຳຕານບໍ່ເກີນ 6 ບ່ວງຊາ ຫຼື 24 ກຣາມ ໃນ 1 ມື້ ແຕ່ຖ້າບໍລິໂພກຫຼາຍເກີນໄປກໍຈະຖືກປ່ຽນເປັນໄຂມັນສະສົມໃນຮ່າງກາຍ ດັ່ງນັ້ນການບໍລິໂພກນ້ຳຕານຫຼາຍໆ ສົ່ງຜົນໃຫ້ມີນ້ຳໜັກເກີນ ຕຸ້ຍ ແລະເຮັດໃຫ້ເກີດໂລກ ຫຼືປັນຫາທາງສຸຂະພາບຕາມມາໄດ້ ສຳລັບມື້ນີ້ເຮົາໄດ້ນຳເອົາ 3 ເຄື່ອງດື່ມທີ່ຫວານໜ້ອຍ ທີ່ແຊບ ແລະຍັງດີຕໍ່ສຸຂະພາບມາກຝາກ. ໝາກຕູມ: ໝາກຕູມເປັນສະໝູນໄພທີ່ດີຢ່າງໜຶ່ງ ທີ່ຮູ້ຈັກກັນແຜ່ຫຼາຍ ສາມາດຫາຊື້ໝາກອ່ອນຕາກແຫ້ງ ເຊິ່ງມີຂາຍຢູ່ຕາມຮ້ານຂາຍຢາແຜນບູຮານ ຫຼືຕາມຕະຫຼາດ ໂດຍສັບພະຄຸນທາງຢາຂອງໝາກຕູມນັ້ນ ສາມາດຂັບລົມ ບັນເທົາອາການທ້ອງຜຸ ບັນເທົາອາການອ່ອເພຍ ແລະ ຈຸກສຽບ. ວິທີເຮັດນ້ຳໝາກຕູມ: ໃຊ້ໝາກຕູມອ່ອນທີ່ຝານເປັນແຜ່ນຕາກແດດໃຫ້ແຫ້ງ ລ້າງນ້ຳໃຫ້ສະອາດ ໃຊ້ສັນມີດທຸບໃຫ້ແຕກ. ຕົ້ມນ້ຳ ໃຊ້ໝາກຕູມແຜ່ນລ້າງນ້ຳ ປີ້ງໄຟພໍຫອມຫຼືໝາກຕູມທີ່ທຸບນັ້ນ ໃສ່ລົງໄປໃນໝໍ້ປະມານ 10 – 15 ນາທີ ໂດຍການປັບໄຟປານກາງ. ໃສ່ນ້ຳຕານລົງໄປ ແລ້ວຕົ້ມຕໍ່ໄປຈົນນ້ຳຕານລະລາຍດີ ປິດໄຟປະໄວ້ໃຫ້ເຢັນ ຖອກໃສ່ກະຕຸກນ້ຳໄວ້ ໃນຕູ້ເຢັນເກັບໄວ້ດື່ມດົນໄດ້. ເວລາດື່ມນ້ຳໃຊ້ປະສົມນ້ຳກ້ອນ ໂດຍສະເພາະໃນຊ່ວງໜ້າຮ້ອນທີ່ມີອາການຮ້ອນຈັດ ຈະເຮັດໃຫ້ຮູ້ສຶກສົມຊື່ນ ແກ້ຮ້ອນໃນ ກະຫາຍນ້ຳໄດ້ດີ ບາງຄົນອາດຈະມັກຕົ້ມກັບນ້ຳລ້າ ໂດຍບໍ່ໃສ່ນ້ຳຕານ ເຊິ່ງລົດຊາດກໍຄ້າຍກັບດື່ມນ້ຳສະໝຸນໄພ ເຊິ່ງສາມາດດື່ມໄດ້ໃນຂະນະທີ່ອຸ່ນ ຫຼືປະສົມນ້ຳກ້ອນກໍໄດ້ເຊັ່ນກັນ. ນ້ຳໝາກໄມ້ລວມ: ສ່ວນປະກອບໄດ້ແກ່ ຫົວກະຫຼົດ, ໝາກມ່ວງ, ໝາກນັດ ຫົວກະຫຼົດ: ມີສັບພະຄຸນຫຼາຍ ຊ່ວຍໃນການບຳລຸງສາຍຕາ ແຖມຍັງເປັນສ່ວນຊ່ວຍໃນການເຮັດວຽກຂອງສະໝອງ ຂັບປັດສະວະ ແລະອຸດົມໄປດ້ວຍວິຕາມິນ ແລະແຮ່ທາດທີ່ມີປະໂຫຍດຕໍ່ຮ່າງກາຍ. ໝາກມ່ວງ: ມີສານອາຫານທີ່ເປັນປະໂຫຍດຕໍ່ຮ່າງກາຍຫຼາຍ ເລີ່ມຈາກວິຕາມິນຊີ ທີ່ຈະເປັນຕໍ່ການສ້າງຄໍລາເຈັນ ຊ່ວຍປ້ອງກັນຫວັດ ແລະເພີ່ມການດູດຊຶມທາດເຫຼັັກ ເຊິ່ງໃນໝາກມ່ວງດິບສ່ວນໃຫຍ່ຈະມີວິຕາມິນຊີສູງກວ່າໝາກສຸກ ເບຕາແຄໂລທີນ ເຊິ່ງເປັນສານຕັ້ງຕົ້ນຂອງວິຕາມິນເອ ຈະພົບເຫັນໃນໝາກມ່ວງສຸກ ຊ່ວຍໃນການບຳລຸງສາຍຕາ ແລະ...

Read more

ການເຮັດອາຫານຄື ສິ່ງໜຶ່ງທີ່ຈະຊ່ວຍໃນເລື່ອງຂອງການຜ່ອນຄາຍຄວາມຄຽດໄດ້ ບໍ່ວ່າຈະເປັນການຮັບປະທານອາ ຫຼືການເຮັດອາຫານ ທີ່ບາງຄົນບອກວ່າຄືການຊ່ວຍໃຫ້ຫຼຸດຜ່ອນຄວາມຄວາມຄຽດ ເຊິ່ງວ່າບາງຄົນທີ່ເກີດຄວາມຄຽດຈຶ່ງຫາທາງອອກໂດຍການເຮັດອາຫານກິນເອງ. ເຄີຍໄດ້ຍິນກັນບໍ່ວ່າ ເວລາສາວໆອົກຫັກ ມັກຈະໃຊ້ວິທີການກິນໆໆ ເພື່ອເຮັດໃຫ້ລືມທຸກຢ່າງ ແລະສິ່ງຕາມາກະຄືນ້ຳໜັກທີ່ເພີ່ມຂຶ້ນນັ້ນເອງ ສ່ວນໃຜທີ່ຄຽດແລ້ວ ເລືອກທີ່ຈະໄປເຮັດອາຫານ ກໍຍ້ອນວ່າຈະເຮັດໃຫ້ຈິດໃຈເຢັນລົງ ມີສະມາທິໃນການປຸງແຕ່ງ ແລະຄັດສັນວັດຖຸດິບຕ່າງໆ ເພື່ອໃຫ້ອາຫານອອກມາໜ້າຕາຈົບງາມ ເຮັດໃຫ້ຢາກກິນ ແລະມີລົດຊາດແຊບ ການທີ່ໄດ້ເຮັດບາງສິ່ງບາງຢ່າງທີ່ໂຕເອງມັກເປັນເວລາຊົ່ວຂະນະໜຶ່ງ ຈະເຮັດໃຫ້ມີຄວາມສຸກ ແລະລືມຄວາມທຸກໄດ້. ເຮັດອາຫານເພື່ອຜ່ອນຄາຍ.             ສຳລັບບາງຄົນ ຈະໃຊ້ວິທີຄາຍຄວາມຄຽດດ້ວຍການເຮັດອາຫານ ເພາະພຽງແຕ່ເລີ່ມເລືອກວັດຖູດິບທີ່ຕ້ອງການ ບໍ່ວ່າຈະເປັນ ໝູ ເຫັດ ເປັດ ໄກ່ ຜັກ ໝາກໄມ້ ແລະ ເຄື່ອງປຸງ ກໍຈະເຮັດໃຫ້ເກີດຄວາມສຸກແລ້ວ.   ບໍ່ມີຂອບເຂດໃນການເຮັດອາຫານ ຖ້າຫາກເຈົ້າມັກຮັບປະທານອາຫານຕາມຮ້ານຫຼູໆ ຫຼືມັກອາຫານຫຼູໆ ແລະເບື່ອທີ່ຈະໄປນັ່ງຕາມຮ້ານເຫຼົ່ານັ້ນແລ້ວ ຫາກມີເວລາກໍ່ໜ້າຈະລອງ ຊອກຫາອວັດຖູດິບ ມາເຂົ້າຄົວເພື່ອເຮັດອາຫານຈານໂປດຂອງເຈ້າມາເຮັດກິນເອງ ເຊິ່ງອາດຈະຊອກຫາສູດຈາກ Google  ແລະ website ຕ່າງໆ ຫຼັງຈາກນັ້ນເຈົ້າກໍ່ຈະຮູ້ສຶກດີ ແລະພູມໃຈໃນຝີມືຂອງຕົນເອງ ເຊິ່ງມັນຄືໜຶ່ງໃນເຫດຜົນຂອງຈິດຕະວິທະຍາ ເພາະການທີ່ເຈົ້າໄດ້ລົງມື ເຮັດອາຫານກິນເອງ ຈະເຮັດໃຫ້ເຈົ້າກາຍເປັນຜູ້ກຳໜົດໄລຟສະຕາຍ ສີສັນ ລົດຊາດ ໃນການເຮັດອາຫານເພື່ອສຸຂະພາບທີ່ດີກວ່າ ໄດ້ຂອງທີ່ສົດສະອາດ ແລະໃໝ່ກວ່າ ທີ່ສຳຄັນເປັນຝີມືຂອງໂຕເຈົ້າເອງ.   ສ້າງຄວາມໝັ້ນໃຈໃນການເຮັດອາຫານກິນເອງ.             ການເຮັດອາຫານກິນເອງ ນອກຈາກຈະຊ່ວຍກຳນົດແຄລໍລີ່ແລ້ວ ຍັງຊ່ວຍໃຫ້ເຈົ້າໄດ້ເປັນຜູ້ກຳນົດສຸຂະພາບຂອງຕົວເຈົ້າເອງອີກດ້ວຍ ເພາະການໄດ້ຕຽມອາຫານເອງນັ້ນ ຈະເຮັດໃຫ້ເຈົ້າຮູ້ສຶກມີຄວາມເປັນອິດສະຫຼະ ແລະເຮັດໃຫ້ເຈົ້າກ້າທີ່ຈະຕັດສິນໃຈດ້ວຍຕົວເອງ ຊຶ່ງຖືໄດ້ວ່າເປັນເລື່ອງພື້ນຖານຂອງການໃຊ້ຊີວິດທີ່ຈະເຮັດໃຫ້ເຈົ້າມີຄວາມພາກພູມໃຈໃນໂຕເອງ ແລະມີຊີວິດຄວາມເປັນຢູ່ທີ່ດີ ເຖິງວ່າຈະເປັນການເຮັດອາຫານພຽງຄາບດຽວ ທີ່ຈະເຮັດໃຫ້ການຕັດສິນໃຈທັງໝົດຂຶ້ນຢູ່ໃນມືຂອງເຈົ້າ ເພາະການທີ່ໄດ້ເປັນຜູ້ກຳນົດເຄື່ອງປຸງ ແລະວັດຖຸດິບ ຈະເຮັດໃຫ້ເຈົ້າເຫັນວ່າເຈົ້າກຳລັງໃສ່ຫຍັງລົງໄປ ໃນຮ່າງກາຍຂອງເຈົ້າອີກດ້ວຍ ແລະການທີ່ເຈົ້າໄດ້ເຝົ້າສັງເກດຂັ້ນຕອນຕ່າງໆ ລະຫວ່າງປະກອບອາຫານ ຈະເຮັດໃຫ້ເຈົ້າກາຍເປັນຄົນທີ່ໃສ່ໃຈໃນລາຍລະອຽດ ແລະການປຸງອາຫານທຸກຂັ້ນຕອນ ຄືວິທີ ທີ່ຈະປ່ຽນຊີວິດຂອງເຈົ້າໃຫ້ເກີດຄວາມໝັ້ນໃຈ ແລະເຮັດໃຫ້ເຈົ້າກາຍເປັນຄົນທີ່ຮູ້ວ່າ ຄວນຈະເລືອກຫຍັງໃຫ້ກັບຊີວິດໂຕເອງຕໍ່ໄປ.   ເຮັດອາຫານກິນເອງຖືວ່າເປັນການປະຢັດເງິນອີກຢ່າງໜຶ່ງ.             ເຊື່ອວ່າຫຼາຍໆຄົນທີ່ມັກໄປນັ່ງຊິວໆ ທີ່ຮ້ານອາຫານ ເວລາທີ່ເຖິງເວລາເຊັກບິນ ອາດຈະຕ້ອງຕົກໃຈວ່າ ເປັນຫຍັງອາຫານຈານນ້ອຍໆ ຄືແພງແທ້ ແລະເຈົ້າອາດຈະລັກຈົ່ມໃນໃຈວ່າ ເຮົາກໍ່ສາມາດເຮັດໄດ້ ແລະລາຄາກໍ່ບໍ່ເຖິງຂະໜາດນີ້ແນ່ນອນ ການຄຳນວນລາຄາທີ່ຕ້ອງຈ່າຍ...

Read more

          ເຊື່ອວ່າທຸກໆຄົນຄົງຈະຮູ້ດີຢູ່ແລ້ວວ່າ ນ້ຳເປັນສ່ວນປະກອບສຳຄັນທີ່ຮ່າງກາຍຂາດບໍ່ໄດ້ ແຕ່ກໍ່ຍັງມີອີກຫຼາຍຄົນທີ່ບໍ່ມັກດື່ມນ້ຳ ເພາະບາງຄົນກໍຢ້ານວ່າຖ້າດື່ມນ້ຳເລື້ອຍໆ ມັກເຮັດໃຫ້ທຽວເຂົ້າຫ້ອງນ້ຳດຸ ຫຼືຫຼາຍໆເຫດຜົນຕ່າງໆ ນາໆ ແຕ່ບອກໄດ້ເລີຍວ່າການທີ່ເຈົ້າບໍ່ດື່ມນ້ຳ ເຮັດໃຫ້ເຈົ້າພາດປະໂຫຍດຫຼາຍໆຢ່າງທີ່ອັດສະຈັນ ເຊິ່ງວ່າຄຸນປະໂຫຍດຈະມີຫຍັງແນ່ນັ້ນເຮົາມາອ່ານເບິ່ງນຳກັນເລີຍ: ການດື່ມນ້ຳຊ່ວຍໃຫ້ຫຼຸດອາການອ່ອນເພຍ ສາເຫດສຳຄັນຢ່າງໜຶ່ງທີ່ເຮັດໃຫ້ອາການອ່ອນເພຍ ກໍ່ຄືພາວະຂາດນ້ຳ ດັ່ງນັ້ນການດື່ມນ້ຳຈະເຮັດໃຫ້ຮ່າງກາຍພາຍໃນຊຸ່ມຊື່ນ ແລະຫຼຸດພາວະຂາດນ້ຳໄດ້ ຊ່ວຍໃຫ້ຮູ້ສຶກສົດຊື່ນຫຼາຍຂຶ້ນກວ່າເກົ່າ ໃຜທີ່ກຳລັງຮູ້ສຶກອ່ອນເພຍ ລອງດື່ມນ້ຳເບິ່ງ ຮັບຮອງວ່າຊ່ວຍໄດ້ແນ່ນອນ. ຊ່ວຍໃຫ້ການຫຼຸດນ້ຳໜັກໄດ້ຜົນດີຂຶ້ນ. ການດື່ມນ້ຳກ່ອນກິນອາຫານ ຈະຊ່ວຍເຮັດໃຫ້ເຈົ້າຮູ້ສຶກອີ່ມທ້ອງ ແລະກິນອາຫານໄດ້ໜ້ອຍລົງ ລົງທັງຖ້າຫາກດື່ມນ້ຳຂະນະທີ່ກຳລັງຫິວ ນ້ຳກໍຈະຊ່ວຍຫຼຸດອາການຫິວເຂົ້າໄດ້ເປັນຢ່າງດີ ບໍ່ພຽງແຕ່ເທົ່ານັ້ນ ແຕ່ການດື່ມນ້ຳຍັງຊ່ວຍເພີ່ມການເຮັດວຽກຂອງລະບົບການເຜົາຜານອີກດ້ວຍໂດຍສະເພາະນ້ຳເຢັນ ສາມາດຊ່ວຍໃຫ້ຮ່າງກາຍເຜົາຜານໄຂມັນໄດ້ຫຼາຍຂຶ້ນ. ກຳຈັດສານພິດໃນຮ່າງກາຍ. ໄຕເປັນອະໄວຍະວະທີ່ສຳຄັນໃນການຂັບສານພິດອອກຈາກຮ່າງກາຍ ໂດຍເມື່ອໄຕກອງສານພິດໃນຂອງແຫຼວທີ່ຢູ່ໃນຮ່າງກາຍ ແລ້ວກໍຈະຖືກຂັບອອກມາໃນຮູບແບບຕ່າງໆ ເຊັ່ນ: ເຫື່ອ, ຍ່ຽວ ການດື່ມນ້ຳຈະຊ່ວຍໃຫ້ຮ່າງກາຍຂັບສານພິດອອກມາໄດ້ດີຂຶ້ນ ຊ່ວຍຫຼຸດຄວາມສ່ຽງການເກີດການຕິດເຊື້ອ ໃນທໍ່ຍ່ຽວ ແລະໜິ້ວໃນໄຕໄດ້. ບຳລຸງຜິວພັນ ຖ້າຢາກມີຜິວພັນທີ່ດີ ແລະເບິ່ງຄືມີນ້ຳມີນວນ ຂໍແນະນຳໃຫ້ດື່ມນ້ຳເລີຍ ເພາະນ້ຳຈະຊ່ວຍຂັບເອົາສານພິດຕ່າງໆ ອອກຈາກຮ່າງກາຍ ເຮັດໃຫ້ຜິວພັນດີຂຶ້ນ ແຖມຍັງຊ່ວຍໃຫ້ຜິວພັນໜຸ່ມຂຶ້ນກວ່າເກົ່າ. ຮັກສາອາການເຈັບໄດ້. ອາການໄມເກນ ແລະປວດຫຼັງ ແທ້ຈິງແລ້ວອາດຈະມີສາເຫດຈາກພາວະຂາດນ້ຳ ໃນຮ່າງກາຍໄດ້ ດັ່ງນັ້ນການດື່ມນ້ຳຢ່າງພຽງພໍ ຈະສາມາດຊ່ວຍຫຼຸດອາການເຫຼົ່ານີ້ໄດ້ເປັນຢ່າງດີ ຖ້າບໍໍ່ເຊື່ອລອງດື່ມນ້ຳຫຼາຍໆ ເວລາເຈັບຫົວລອງເບິ່ງ ເຈົ້າຈະຮູ້ສຶກເລີຍວ່າ ອາການເຈັບຫົວຈະເບົາລົງ. ປ້ອງກັນໂລກມະເລັງ. ມີການສຶກສາໜຶ່ງພົບວ່າການດື່ມນ້ຳຫຼາຍໆ ຈະຊ່ວຍຫຼຸດການເກີດໂລກມະເລັງທຳປັດສະວະ ເພາະການດື່ມນ້ຳຫຼາຍໆ ຈະເຮັດໃຫ້ຍ່ຽວດຸຂຶ້ນ ເຊິ່ງການທີ່ເຮົາເບົາເລື້ຶຶອຍໆນັ້ນ ຈະຊ່ວຍຫຼຸກການກໍ່ໂຕຂອງມະເລັງໃນກະເພາະປັດສະວະໄດ້ ນອກຈາກນີ້ການດື່ມນ້ຳຢ່າງພຽງພໍ ບໍ່ໃຫ້ຮ່າງກາຍ ເກີດພາວະຂາດນ້ຳຍັງຊ່ວຍຫຼຸດການເກີດມະເລັງລຳໄສ້ໃຫຍ່ ແລະມະເລັງເຕົ້ານົມອີກດ້ວຍ. ປ້ອງກັນຕະຄິວ ແລະອາການເຄັດ ພາວະຂາດນ້ຳສົ່ງຜົນໃຫ້ຄວາມຍືດຍຸນ ຂອງກ້າມເນື້ອ ແລະສານຫຼໍ່ລື່ນ ລະຫວ່າງຂໍ້ຕໍ່ຕ່າງໆ ຫຼຸດໜ້ອຍລົງ ຈົນອາດເຮັດໃຫ້ເກີດອາການບາດເຈັບໄດ້ງ່າຍ ດັ່ງນັ້ນ ການດື່ມນ້ຳຈຶ່ງຈຳເປັນຕໍ່ກ້າມເນື້ອ ແລະຂໍ້ຕໍ່ຕ່າງໆ ຖ້າບໍ່ຢາກເປັນຕະຄິວ ຫຼືເຄັດຂັດຕາມຂໍ້ຕ່າງໆ ຄວນໝັ່ນດື່ມນ້ຳໃຫ້ພຽງພໍຢູ່ສະເໝີກ ຊ່ວຍເຮັດໃຫ້ອາລົມດີ ຫຼາຍຄົນອາດຈະແປກໃຈວ່າ ການດື່ມນ້ຳຊ່ວຍໃຫ້ອາລົມດີແທ້ຫວາ ຂໍບອກໄດ້ເລີຍວ່າສາມາດຊ່ວຍໃຫ້ອາລົມດີໄດ້ແທ້ ເພາະເມື່ອເຮົາດື່ມນ້ຳເຂົ້າໄປໃນປະລິມານທີ່ພຽງພໍຕໍ່ຮ່າງກາຍແລ້ວ ກໍຈະຊ່ວຍໃຫ້ລະບົບເຮັດວຽກຕ່າງໆ ພາຍໃນຮ່າງກາຍ ເຮັດວຽກໄດ້ເປັນປົກກະຕິ ລືມໄປໄດ້ເລີຍກັບອາການຜິດຜົກກະຕິຕ່າງໆ ທີ່ຈະສົ່ງຜົນກະທົບຕໍ່ຈິດໃຈ. ຊ່ວຍໃຫ້ລະບົບຂັບຖ່າຍເຮັດວຽກໄດ້ດີຂຶ້ນ. ການດື່ມນ້ຳຈະຊ່ວຍລະລາຍໄຂມັນໃນຮ່າງກາຍ ແລະຊ່ວຍໃຫ້ໄຟເບີຊະນິດທີ່ລະລາຍໃນນ້ຳໄດ້ນັ້ນເຮັດວຽກໄດ້ເຕັມທີ່ ສົ່ງຜົນໃຫ້ ອາການທ້ອງຜຸລົດລົງ ການດື່ມນ້ຳຫຼາຍໆ...

Read more

ຂໍ້ດີຂອງການກິນກ້ວຍໃນຕອນແລງ ຫຼັງຈາກທີ່ນັກສະແດງຊາວຍີ່ປຸ່ນ Fukada Kyoko ກິນກ້ວຍເປັນອາຫານເຊົ້າ ແລະລົດນ້ຳໜັກລົງໄປໄດ້ເຖິງ 12 ກິໂລກຣາມ ເຮັດໃຫ້ກ້ວຍກາຍເປັນໝາກໄມ້ລົດຄວາມອ້ວນຍອດຮິດໄປແລ້ວ ແຕ່ຫຼາຍໆຄົນຮູ້ ແລ້ວບໍ່ວ່າ ຄວາມຈິງແລ້ວ ການກິນກ້ວຍໃນຕອນແລງ ຈະເຫັນຜົນຫຼາຍກວ່າ           ຈາກຜົນການວິໄຈ Matsuoi Tsuneo ແພດຜູ້ຊ່ຽວຊານດ້ານລຳໄສ້ ຊາວຍີ່ປຸ່ນ ລະບຸວ່າປັດຈຸບັນຄົນສ່ວນໃຫຍ່ ມັກຈະກິນອາຫານເຊົ້າໃນປະລິມານໜ້ອຍ ແຕ່ກິນອາຫານແລງເຕັມທີ່           ຖ້າຫາກເຮົາປ່ຽນນິໄສໃນການກິນເຂົ້າແລງນັ້ນໄດ້ ການຫຼຸດນ້ຳໜັກກໍຈະເຫັນຜົນໄວຂຶ້ນ ແລະຍັງໄດ້ແນະນຳວ່າກ່ອນກິນເຂົ້າແລງໃຫ້ກິນກ້ວຍກ່ອນ 2 ໜ່ວຍ ຕາມດ້ວຍນ້ຳລ້າ 200 ມລ, ຫຼັງຈາກນັ້ນ 30 ນາທີ ແລ້ວຈຶ່ງກິນເຂົ້າແລງ ເພາະການກິນກ້ວຍຈະຊ່ວຍຫຼຸດອາການຫິວເຂົ້າ ບໍ່ຕ້ອງອົດອາຫານຢ່າງທໍລະມານ ແລ້ວຍັງບໍ່ເຮັດໃຫ້ຕຸ້ຍອີກ ໃຊ້ເວລາສັ້ນໆ ພຽງແຕ່ 10 ມື້ ກໍສາມາດ ຫຼຸດນ້ຳໜັກໄດ້ເຖິງ 3 ກິໂລກຣາມ. ສານອາຫານຫຼາກຫຼາຍ ແລະໃຫ້ພະລັງງານຕ່ຳ ກ້ວຍ 1 ໜ່ວຍ ໃຫ້ພະລັງງານ 86 ແຄລໍຣີ່ (ປະມານ 100 ກຣາມ) ເມື່ອປຽບທຽບກັບເຂົ້າ 1 ຖ້ວຍທີ່ໃຫ້ພະລັງງານ 250 ກິໂລແຄລໍຣີ່ ແລ້ວກ້ວຍຍັງເຮັດໃຫ້ຢູ່ທ້ອງ ບໍ່ເຮັດໃຫ້ຢາກເຂົ້າ, ໃນກ້ວຍມີວິຕາມິນ ບີ6, ວິຕາມິນ ຊີ, ແມັກນີຊຽມ, ໂພເທັກຊຽມ ແລະແຮ່ທາດຕ່າງໆ ທີ່ຈຳເປັນໃນການເສີມສ້າງຮ່າງກາຍ ມີໃຍອາຫານສູງ ຊ່ວຍໃນການຂັບຖ່າຍ ໃນກ້ວຍນັ້ນມີເສັ້ນໃຍອາຫານທີ່ລະລາຍໃນນ້ຳໄດ້ ຊ່ວຍເພີ່ມຈຳນວນໂປຣໄບໂອຕິກ ແລະລະບົບພູມຄຸ້ມກັນໃນລຳໄສ້ ແລະຍັງມີເສັ້ນໃຍທີ່ບໍ່ລະລາຍໃນນ້ຳ ຊ່ວຍກະຕຸ້ນການເຮັດວຽກຂອງລະບົບລຳໄສ້ ຫຼຸດອາການທ້ອງຜຸ. ກະຕຸ້ນໂກຮໍໂມນ ຫຼຸດຜ່ອນການເຖົ້າໄວ. ຮ່າງກາຍຂອງເຮົານັ້ນຈະສ້າງໂກຮໍໂມນຫຼືຮໍໍໂມນແຫ່ງການຈະເລີນໄວ ຊ່ວຍຫຼຸຸດຜ່ອນການເຖົ້າໄວ ແລະເຜົາຜານພະລັງງານຫຼາຍທີ່ສຸດໃນຊ່ວງເຂົ້ານອນເວລາ (ຊ່ວງເວລາ 23.00 – 01.00)           ເມື່ອເຮົາກິນກ້ວຍໃນຕອນແລງແລ້ວ ກົດອາຈີນິນໃນກ້ວຍຈະຊ່ວຍກະຕຸ້ນໃຫ້ຮ່າງກາຍປ່ອຍໂກຮໍໂມນອອກມາ ຊ່ວຍຫຼຸດຜ່ອນການເຖົ້າໄວ ຫຼຸດຄວາມອ້ວນໄດ້ດີ.

Read more

ບລ໋ອກໂຄລີ່ ເປັນຜັກອີກໜຶ່ງຊະນິດ ທີ່ຫຼາຍໆຄົນອາດຈະບໍ່ມັກກິນຫຼາຍປານໃດ ເພາະສີຂຽວທີ່ຂ້ອນຂ້າງເຂັ້ມ ຂອງຜັກຊະນິດນີ້ ແຕ່ຫາກເຮົາລອງສຶກສາເຖິງປະໂຫຍດ ຂອງຜັກຊະນິດນີ້ແລ້ວ ຈະພົບວ່າ ບລ໋ອກໂຄລີ້ເປັນຜັກທີ່ມີປະໂຫຍດຫຼາຍ ຢ່າງບໍ່ໜ້າເຊື່ອ ແລະຫາກຍັງບໍ່ເຊື່ອ ນີ້ຄືສິ່ງທີ່ຈະເຮັດໃຫ້ເຈົ້າຮູ້ສຶກຢາກຈະຫາບລ໋ອກໂຄລີ້ມາກິນຢ່າງແນ່ນອນ. ບຳລຸງຫົວໃຈ. ເພາະໃນບລ໋ອກໂຄລີ້ປະກອບໄປດ້ວຍ ລູທີນ ແຄໂຣທີນອຍ ວິຕາມິນ B6 ແລະໂຟເລດ ຊຶ່ງສານອາຫານເຫຼົ່ານີ້ມີຜົນໂດຍກົງ ໃນການຊ່ວຍຫຼຸດຄວາມສ່ຽງ ຂອງໂລກຫົວໃຈ ແລະຫຼອດເລືອດສະໝອງ ແລະທີ່ໜ້າສົນໃຈໄປກວ່ານັ້ນຄື ການກິນບລ໋ອກໂຄລີ້ເລື້ອຍໆ ຈະຊ່ວຍປ້ອງກັນບໍ່ໃຫ້ເສັ້ນເລືອດໃນສະໝອງຕີບຕັນໄດ້ອີກ. ຊ່ວຍບຳລຸງສາຍຕາ. ເນື່ອງຈາກແຄໂລທີນອຍ ແລະລູທີນ ໃນບລ໋ອກໂຄລີ້ ຈະຊ່ວຍໃນການບຳລຸງ ລະບົບປະສາດຕາ ແລະຊ່ວຍປ້ອງກັນບໍ່ໃຫ້ດວງຕາຂອງເຮົາເປັນໂລກຕໍ້ກະຈຳ ແລະໂລກກ່ຽວກັບດວງຕາທີ່ເກີດຈາກການເລື່ອມເນື່ອງຈາກວ່າອາຍຸຫຼາຍໄດ້ດີຢ່າງບໍ່ໜ້າເຊື່ອ. ຫຼຸດການເກີດມະເລັງກະເພາະປັດສະວະ. ໃນເລື່ອງນີ້ຜູ້ຊ່ຽວຊານທາງດ້ານໂພສະນາການໄດ້ອອກມາໃຫ້ຄວາມເຫັນວ່າ ຄົນທີ່ກິນບລ໋ອກໂຄລີ້ເປັນປະຈຳນັ້ນ ຈະມີຄວາມສ່ຽງທີ່ຈະເປັນມະເລັງກະເພາະປັດສະວະນ້ອຍກວ່າຄົນທີ່ບໍ່ມັກກິນເຖິງ 40%. ປົກປ້ອງຈາກມະເລັງຜິວໜັງ. ໂດຍສ່ວນໃຫຍ່ແລ້ວມະເລັງຜິວໜັງມັກຈະເກີດຈາກການທີ່ເຮົາຕາກແດດດົນໆ ຕິດຕໍ່ກັນເປັນເວລາທີ່ຍາວນານ ຈົນເຮັດໃຫ້ຂະບວນການສ້າງເມັດສີຜິວເຮັດວຽກຜິດປົກກະຕິ ເຊິ່ງແນ່ນອນວ່ານອກຈາກການປ້ອງກັນດ້ວຍການທາຄຣີມ ຫຼືໂລຊັ່ນກັນແດດເປັນປະຈຳແລ້ວ ອາຫານທີ່ເຮົາກິນເຂົ້າໄປ ຢ່າງບຣ໊ອກໂຄລີ່ກໍ່ມີສ່ວນທີ່ຈະຊ່ວຍເຊັ່ນດຽວກັນ ໂດຍບລ໋ອກໂຄລີ້ຈະມີສານທີ່ມີ ຄຸນສົມບັດສະເພາະໃນການຊ່ວຍຫຼຸດຜົນກະທົບຂອງລັງສີ UV ທີ່ອາດຈະມາກະທົບກັບຜິວໜັງຂອງເຮົານັ້ນເອງ. ປ້ອງກັນຈາກໂລກຫົວເຂົ່າເສື່ອມ. ໃນບຣ໋ອກໂຄລີ້ມີສານອາຫານຫຼາຍຢ່າງ ທີ່ສາມາດຊ່ວຍໃນການຫຼຸດໂອກາດ ແລະຂະບວນການທີ່ຈະເຮັດໃຫ້ເກີດອາການຂໍ້ເຂົ່າເສື່ອມ ກ່ອນໄວໄດ້ ຊຶ່ງຂະບວນການເຮັດວຽກຂອງສານເຫຼົ່ານັ້ນ ຈະເນັ້ນໄປທີ່ການຊ່ວຍຫຼຸດການອັກເສບຂອງກ້າມເນື້ອ ແລະເສັ້ນເອັນ ແລະຊ່ວຍໃນການປ້ອງກັນບໍ່ໃຫ້ກະດູກອ່ອນ ເກີດການກະທົບກະແທບຢ່າງຮຸນແຮງ. ຈາກຂໍ້ມູນເບື້ອງຕົ້ນເຮັດໃຫ້ເຮົາເຫັນໄດ້ຢ່າງຊັດເຈນວ່າ ການກິນຜັກສີຂຽວທີ່ເບິ່ງຄືວ່າ ຈະເຮັດໃຫ້ບໍ່ເປັນຕາຢາກ ແຕ່ຢ່າງບລ໋ອກໂຄລີ້ນັ້ນ ນອກຈາກຈະຊ່ວຍໃຫ້ຮ່າງກາຍໄດ້ຮັບເສັ້ນໃຍອາຫານ ຢ່າງພຽງພໍແລ້ວ ຍັງມີສານອາຫານອື່ນໆທີ່ເປັນປະໂຫຍດຢ່າງຫຼວງຫຼາຍຕໍ່ສຸຂະພາບຂອງເຮົາຢ່າງທີ່ຄາດບໍ່ເຖິງກັນເລີຍ ເຊິ່ງຫາກວ່າເຈົ້າເປັນຄົນໜຶ່ງທີ່ຮັກສຸຂະພາບ ບລ໋ອກໂຄລີ້ ເປັນຜັກອີກ 1 ຊະນິດ ທີ່ບໍ່ຄວນເບິ່ງຜ່ານ ເຈົ້າຄວນຈະຊື້ມະປະກອບເປັນອາຫານກິນໃນຄອບຄົວ ສັ່ງຊື້ສິນຄ້າໄດ້ທີ່: ບລ໋ອກໂຄລີ້      

Read more

Back to the top